شەفەق نیوز- دیمەشق

هاووڵاتییگ مەدەنی کوشیا و دوو کەس ترەک زەخمدار بۊن، ئمڕوو دوشەممە، لە ئەنجام تەقیان بومبیگ لە نزیک وەڕێوەبەرایەتی ناوچەگە لە شار تەدمور لە دەیشتایی حومس خوەرەڵاتی.

 سەرچەوەیل مەیدانی ئەرا ئاژانس شەفەق نیوز وتن، کە تەقینەوەگە مەوقەی گردەوکردن خردەواڵە لەلایەن ژنیگەو رۊ داگە، وەختیگ بومبیگ پەیا کردگە و پیا تەقیەسەو، ئەوەگ بۊەسە مدوو کوشیان  مەدەنییگ و زەخمداربۊن دوو کەس ترەک.

 سەرچەوەیل وتنیش کە کوشیایەگە ناوی (محمد نادر تەها)ە، لەداڵگبۊی 1986، لە وەختیگ (غەسان حاج فەهەد) زەخمدار بۊە، کە لەداڵگبۊی 1994ە، وەگەرد کەسیگ ترەک کە ناسنامەی تا ئیسە نادیارە.