شەفەق نیوز/ دوو کەس کوشیا و دەیان کەسیش زەخمدار بوین بەشیگیان زەخمیان سەختە، لە ئەنجام وەشیان دوو بومب و تەقەکردن لەبان ئاهەنگ سویریگ، ئمڕوو پەنجشەممە، لە ناوچەی مشرفە لە حمس سوریا.
وەزارەت ناوخوەیی سوریا لە بەیاننامەیگ وت: خەوەر رەسیە پولیس ناحیەی عرن نسر لە پارێزگای حمس لە وەشیان دوو بومب و تەقەکردن لەبان ئاهەنگ سوریگ لە ناوچەی مشرفە و کەفتن زەخمداری لە ئامادەبویەیل.
وتیش؛ پولیس رەسیە شوینەگە و دەرکەفت کوو کەس گیانیان لەدەس دانە و چل و هەفت کەسیش زەخمدارە بەشیگیان زەخمیان سەختە.
وتیش؛ زەخمدارەیل ئەرا خەسەخانە بریان، وترم دوو کوشیایەگە ئەرا پزشک دادوەری کل کریا.
لە لێکۆڵینەوە ئاشکرا بویە دوو کەس وەناو حازم و فادی لە ئاوای عقیربات دوو بومب وەشاننە و تەقە لە ئاهەنگ سویرەگە کردنە، و هەردوگیان واینە.
وتیش: لێکۆڵینەوە وەردەوامە وەمینەی تاوانکارەیل.