شەفەق نیوز/ فەرماندەیی ناوەندی سوپای ئەمریکا، ئمڕوو شەممە، کوشتن یەکیگ لە سەرکردەیل ریخریاگ قاعیدە وە گورزیگ ئاسمانی لە باکوور خوەرئاوای سوریا راگەیان.

فەرمان لەبان ماڵپەڕ خوەی لە ئێکس نویسان: لە 21 فبراير/شوبات، هیزەیل فەرماندەیی ناوەندی ئەمریکا، گورزیگ ئاسمانی لە باکوور خوەرئاوای سوریا وەشانن، کە بویە هوکار کوشیان وەسیم تەحسین بەیرەقدار، یەکیگ لە گەورە سەرکردەیل ریخریاگ حوڕاسەدین تیرۆری سەروە ریخریاگ قاعیدە.

وتیش: ئی گورزە بەشیگە لە پابەندبوین وەردەوام فەرماندەیی ناوەندی ئەمریکا، شان وەشان هاوبەشەیل لە ناوچەگە، وە پەکخستن و کەمکردن تەقەلای تیرۆرستەیل ئەرا پلان و رێکخستن پەلامارەیل وەبان مەدەنی و سەربازەیل لە ئی ئەمریکا و هاوپەیمان و هاوپەشەیلمان لە گشت ناوچەگە و دەیشتی.

لەلای خوەییش؛ ژەنەڕاڵ مایکڵ ئیریک کوریلا، فەرماندەی فەرماندەیی ناوەندی وت: ئەوەسا بی خەمسەردی کەفیمنە شەین هەڕەشەیل تیرۆری و ویرانیان کەیمن، لە هەر شوینیگ بوون، ئەرا مقیەتیکردن نیشتمانمان و هاوپەیمان و هاوپەشەیلمان.