شەفەق نیوز/ فەرماندەیی ناوەندی ئەمریکا "سنتاكوم"، ئمڕوو چوارشەممە، راگەیان کە گورزەیلیگ وەبان جەبەخانەی چەک لە سوریا جیوەجی کرد کە وت پەیوەندی وە گرووپەیل لایەنگر ئیران دیرێد.
"سنتاكوم" لە بەیاننامەیگ وت: فەرماندەیی ناوەندی ئەمریکا دەێد لە ئامانجەیل ئیرانی لە سوریا لە وەڵامدان وەبان پەلامارەیلیگ وەبان کەسەیلیگ ئەمریکی لە ١٢ی تشرین دویەم، کە پەلامار ئەمارەیل چەم و بارەگای لۆجیکی ئەرا گرووپەیلیگ جیوەجی کریا کە لەلایەن ئیرانەو پاڵپشتی کریەن.
ئی گورزەیلە لە وەڵامدان وەبان پەلاماریگ مووشەکەیل هات وەبان کەسەیلیگ ئەمریکی لە سەربازگەی شەدادی.
بەیاننامەگە وتیش: ئەو پەلامارە هویچ زەرەدیگ وە دامودەزگایل ئەمریکی نەڕەسان، و زەخمداری لەناو هیزەیل ئەمریکا یا هیزەیل هاوبەش نەکەفت.
بەیاننامەگە دیاری کرد کە ئی گورزەیلە توانای ئەو گرووپەیلە کەمەو کەێد کە وەلایەن ئیرانەو پاڵپشتی کریەن، و لاوازیان کەێد لە پلاندانان و جیوەجیکردن پەلامارەیل لە بانان لەبان هیزەیل ئەمریکی و هیزەیل هاوپەیمان لە ناوچەگە.