شەفەق نیوز/ سوپای ئەمریکا، ئمڕوو دووشەممە، راگەیان کە ئەمریکا کار کیشانەوەی لە سەربازگەی ئەگادیز تەواو کرد، دویای ئەوە کە رژیم سەربازی وڵاتەگە داوا لەلی کرد.
فەرماندەیی سەربازی ئەمریکا لە ئەفریقا (ئەفریکۆم) لە بەیاننامەیگ وت: کیشانەوەی شمارە و چەک و کەرەستەیل ئەمریکا لە سەربازگەی ئاسمانی ٢٠١ لە ئەگادیز تەواو بوی.
وتیش: هەماهەنگی ناوەین هیزە چەکدارەیل ئەمریکا و نەیجەر وەردەوامە وەماوەی هەفتەیل ئایندە ئەرا تەواوکردن پلان کیشانەوەگە.
کیشانەوەی سەربازەیل ئەمریکا پەڵپ رژیم سەربازی دەسەڵاتدارە لەو دەوڵەتە.
ئەمریکا لە نەیجەر بوی ئەرا جەنگ تونەڕەوەیل ئیسلامی کە هەمیشە پەلامارەیل خویناوی لە وڵاتەگە جیوەجی کردیان، تا وەرجە ساڵیگ رژیم سەربازی وڵاتەگە لە نیامی دوای دەرچگن ئەمریکا کرد.