فەرماندەیی ناوەندیی ئەمریکا لە ماڵپەڕ ئێکس نویسان: دویای ئەوەگ لە ١١ی کانوون دویەم لە ئۆپەراسیۆنیگ لە کەناراوەیل سۆماڵ سوار بەلەمەگە بوین، وە بیسەروشوین دریانە قەڵەم.

ژەنەڕاڵ مایکل ئێریک کورێلا، فەرماندەی فەرماندەیی ناوەند ئەمریکا لە بەیاننامەیگ راگەیان “ئیمە ماتەمینی دوو لە جەنگاوەرەیل هیز دەریاییمان گریمن، تا هەمیشە ڕێز لە قوربانیدان و نموونەیان گریمن، نماز ئەرا خیزان و دووسەیلیان، هیز دەریایی، و تەواو کۆمەڵگەی ئۆپەراسیۆنە تایبەتەیل خوەنیمن.”

فەرماندەیی ناوەندی لە بەیاننامەگەی وتیش: ئۆپەراسیۆنیگ هاوبەش ئەمریکا، ئیسپانیا و ژاپۆن ئەنجامدریا، زیاتر لە 54 هەزار کیلۆمەتر چوارگووشەی زەریا وەشکینە وە مینەی  کارمەنەیل هیزە تایبەتە بیسەروشوینەیل.

فەرماندەیی ناوەندی ئەمریکا ئاشکرا کرد کە ئی ئەرکە "ئیسە بویەسە ئۆپەراسیۆن مینەکردن و دراوردن".

ئەمریکا زنجیرەیگ پەلامار کردە بان ئامانجەیل حوسییەیل لە کاردانەوە وە پەلاماریان وەبان کەشتییە بازرگانییەیل لە دەریای سوور، یەیش بویە مدوو پەکخستن بازرگانی جەهانی و رخ بڕین دابینکردن.