شەفەق نیوز/ سەرچەوەیگ سەربازی، ئمڕوو شەممە، خەوەردا کە سوپای لوبنان لە نزیکەو نووڕێدە ئەوەگ لەبان سنوور لوبنان و سوریا بوود، و کارەیلی وە درویژایی مەرزەیل نایاسایی لە زنجیرەی خوەرهەڵات جیوەجی کرد و ئامادەبوینی لەبان سنوورەگە قایمەو کرد.

وتیش: پاڵپشتیکردن سەربازی زوور هاوردە بان ناوچەیل هرمل و عەکار، و دیاری کرد کە سوپا قەلەمون و نبەک و دەورگردیان وە سەختترین ناوچەیل رخدار ئەرا دزەکردن چەکدارەیل زانێد.

دیاری کرد کە پاڵپشتیکردن لە فەوج سەربازی و کۆماندۆی دەریایی هاورد وەگەرد کارەیل فەوج سنووری هشکایی وە درویژایی ناوچەی سنووری وەرد سوریا.

وەگورەی سەرچەوەی لوبنانی، مووشەک ئامادە کریاس، و یەکەیل لەبان سنوور باکوور پاڵپشتی کریانە، تا ئامادەیی ئەرا رەفتارکردن وەرد هەر ناکاوییگ بوود، وتیش: بڵاوبوین گەورەیگ ئەرا سوپا لە عەکار و بەعلەبەک هرمل هەس.

سەرچەوەگە دیاری کرد کە نشانەیل ئیسە باس نواگیریکردن سوپای سوریا کەن ئەرا تەقەلای پیشکەفتن لە حەما و دەورگردی، وەلێ ئەوە نییە کە بتوەنیمن لەبان ئاوریشم یخەفیمن، ئەراوە ریکارەیل سەربازی چەودیاریکردن هەواڵگری کەێد، لەڕخ جموجویل کەسەیلیگ سوری یا لوبنانی وەگەرد باڵە چەکدارەیل لە ناو لوبنان، وتیش: ریکار و پەرژینەیل وە دەوریەیل سوپا لە ناوچەیل باکوور خەسەو کریانە.