شەفەق نیوز/ سوپای لوبنان، ئمڕوو دووشەممە، ئازادکردن هاوڵاتییگ عراق راگەیان، ک وەرجە سێ رووژ لە ناوچەی جونیە باکوور بەیروت پایتەخت رفیاگە، و بڕفنەیل داوای پویل کردنە.
وەڕیەوبەرایەتی رینماداین لە سوپای لوبنان لە بەیاننامەیگ وت: لە رووژ ٢٠ نیسان، کابرایگ لوبنانی داواکریاگ وەناو "م.ج." وەیاوەری چەکدارەیلیگ نەناسریاگ خوەیان کردنەسە لایەنیگ ئەمنی، هاووڵاتییگ عراقی وەناو بەدر دفار سایر لەناو شوقەیگ لە شار جونیە رفانن، و داوای سەرانەی پویل گەورەیگ لە خیزانەگەی کردن.
بەیاننامەگە وتیش: وەڕیەوبەرایەتی هەواڵگری دەسکردە وەشوینکەفتن هویردیگ و جیوەجیکردن ریکارەیل ئەمنی، و چگە ناو حەشارگەی بڕفنەیل، و لە رووژ ٢٣ی نیسان، توەنستن رفیایەگە لە ناوچەی شروانە لە بەعلەبەک ئازاد بکەن، و دووپات کرد ک فەرماندەیی سوپا کەفتیەسە شوین باوەتەگە ئەرا دەسگیرکردن بڕفنەیل.
سەرچەوە/ سایت سوپای لوبنان.