شەفەق نیوز/ فەریق یەکەم روکن عەبدولفەتاح بورهان، ئاگربەستی یەکلایەنی لەلای خوەیەو راگەیان، لە یەکەم رووژ جەژن قوربان، و داوا لە گەنجەیل کرد بانە ناو سوپا و چەک هەڵگرن، ئەرا نواگردن هیزەیل پاڵپشتیکردن زویوەزی.
یەیش دویای یەک رووژ لە راگەیانن فەریق یەکەم ێوکن محمد حەمدان دقلو فەرماندەی هیزەیل پاڵپشتیکردن زویوەزی تیەێد لە ئاگربەستی رووژ عەرەفات و یەکەم رووژ جەژن.
بورهان لە وتاریگ ک تەلەفزیۆن فەرمی پەخشی کرد وت: هیزەیل چەکدار هەر وەرپرسایەتی خوەی لە نواگردن هیزەیل پاڵپشتیکردن زویوەزی جیوەجی کردیە.
بورهان داوا لە گەنجەیل سودانی کرد بانە ناو سوپا و وت: داوا لە گشت گەنجەیل وڵاتەگەم و هەر کەسیگ توانای وەرگری دیرێد پاپا نەکەێد و دیر نەکەفێد لە جیوەجیکردن ئی ئەرک نیشتمانیە لە شوین داینشتن خوەی یا وەهاتن ئەرا ناو یەکەیل سەربازی، ئەرا شەرەفمەنی وەرگریکردن لە مەنین دەوڵەت سودان.