شەفەق نيوز- بەيروت
سوپای ئیسرائیل، ئمڕوو چوارشەممە، کوشتن حسێن عەلی مزهر، وەرپرس وەڕیەوبردن ئاگر لە کەرت زەهرانی، سەروە یەکەی بەدر لە حزبولڵا راگەیان.
ئەفیخای ئەدرعی قسەکەر سوپای ئیسرائیل لە بەیاننامەیگ وت: سوپا پەلامار ناوچەی بابلیە دا لە باشوور لوبنان، و تیرۆرستیگ وەناو حسێن عەلی مزهر وەرپرس وەڕیەوبردن ئاگر لە کەرت زەهرانی لە یەکەی بەدر لە حزبولڵا کوشت.
وتیش: لە چوارچیوەی ئەرکەیل پۆستەگەی، ئەو تیرۆریستە پلانەیل وەشانن گولەیل مووشەکی وەرەو دەوڵەت ئیسرائیل و هیزەیل سوپا جیوەجی کرد، و لەی ماوەی دویاییە کار لە تەقەلایەت دووارەو رێکخستن یەکەیل تووپخانە لە حزبولڵا لە باشوور لوبنان کرد.
وتیش: چالاکییەیل حسێن عەلی مزهر شکاننیگ رسوا ئەرا لەیەکفامستنەیل ناوەین ئیسرائیل و لوبنان دروس کرد، کە سوپا وەردەوامە لە کارکردن ئەرا لاوردن هەر هەڕەشەیگ وەبان دەوڵەت ئیسرائیل.
دویەکە سێشەممە، سوپای ئیسرائیل پەلاماردان ئەندامیگ ناودیار لە بزووتنەوەی حەماس لە ناوچەی تەڕابلوس باکوور لوبنان راگەیان.