شەفەق نیوز/ قسەکەر سوپای ئیسرائیل، ئمڕوو شەممە، وە فەرمی کوشتن حەسەن نەسرولڵا ریبەر حزبوڵڵای لوبنان، راگەیان، ئەوەیش لە ئەنجام گورزیلیگ لە کەرت باشوور بەیروت، دویەکە جمعە.

  ئەفيخاي ئەدرعي، لەبان پلاتفۆرم X وت: سوپای دویەکە حەسەن نەسرولڵا و یەکیگ لە دامەزرێنەرەیلی کوشت، هەمیش عەلی کرکی فەرماندەی بەرەی باکوور لە حزبوڵا و شمارەیگ ترەک لە سەرکردەیل حزبولڵا کوشت.

وتیش: فڕۆکەیل چەک ئاسمانی وە رینمایی هەواڵگری هویردیگ وەلایەن هەواڵگری دەزگای ئاسایش، پەلامار بارەگای ناوەندی حزبولڵا دا، کە کەفێدە ژیر بینایگ نیشتەجییوین لە ناوچەی کەرت باشوور بەیروت.

دیاری کرد کە گورزەگە لە وەختیگ جیوەجی کریا کە فەرماندەیی حزبولڵا لەناو بارەگاگە بوین.

وتیش؛ نەسرولڵا خاوەن بڕیار سەرەکیە لە حزبەگە، و تەنیا خاوەن قسەی کۆتاییە لە هەر بڕیاریگ ستراتیژی، و جاروباریش لە بڕیارەیل تەکنیکی.

قسەکەر سوپای ئیسرائیل، لە کۆتایی بەیاننامەگە هەڕەشەدا کە سوپا وەردەوامە لە پەلاماردان هەرکەسیگ پرۆپاگەندە بکەێد یا دەسی لەناو کارەیل دژوە ئیسرائیل بوود.