شەفەق نيوز/ بارەگای "خاتموائەبيا" سەروە هیزە چەکدارەیل ئیران، هوشداری دان لە وەڵامدانیگ فراوان لەبان ئەمریکا، لەشوین بەشداریکردنی لەو گورزەیل دویاییە وەبان ئیران.
قسەکەر بارەگاگە لە بەیاننامەیگ وە پارچە ڤیدیۆییگ وەزوان فارسی کە میدیایەیل بڵاوی کردن وت: ئەمریکای تاوانکار وە پشتگیریکردن تەواوی ئەرا دوژمنایەتیی قەوارەی سەهیۆنی وەشیوەیگ ئاشکرا سەرەوەی کۆمار ئیسلامی ئیران شکان، و وەڕاستەخۆ بەشداری لە جەنگ وەبان ئیران کرد.
وتیش: ئی ئۆپراسیۆن دوژمنایەتیە وە ئامانج ئەوزەڵکردن قەوارەی سەهیۆنی هات، وەلێ نەک هەر بیخود بوی، بەڵکم هیلێد ئامانجەیا هیزە چەکدارەیل ئیران فراوانەو کەێدر و زەمینەسازی ئەرا بەرزەوکردن جەنگ لە ناوچەگە کەێد.
دیاری کرد کە دویای ئی دوژمنایەتییە ساعەت وە بەرژنەوەی ئەمریکا وەرەو دویا نیەچوود، دووپاتیش کرد کە موجاهیدەیل ئیسلام ئەوەسا پەلامارەیل تون و سەختیگ ئەنجام دەن دەرئەنجام بەد و ژیاندارا دیرێد کە مەزەنە نیەکریەێد.
هەرلیوا، لیوا ئەمیر مووسەوی سەرۆک دەزگای ئەرکان گشتی هیزە چەکدارەیل ئیران وت: ئەمریکا وە پەلامار دویایینی وەبان زەویەیل ئیران، ری لەنوای هیزە چەکدارەیل ئیران واز کرد ئەرا وەڵامدان وەهەر شیوەیگ.
مووسەوی لە قسەیلی فەرمیی کە ئاژانس تەسنیم بڵاوی کرد وت: ئەمریکا لە وەردەوامی پشتگیریکردن قەوارەی سەهیۆنی، وەشیوەیگ ئاشکرا سەروەری کۆمار ئیسلامی ئیران شکان، و هاتە ناو جەنگ دژوە ئیران و پەلامار خاک ئیمە دا.
وتیش: ئەمریکای تاوانکار بایەسە بزانێد وەگەرد سزادان کوڕ تا شەرعیی و پەلاماردەر - واتە ئیسرائیل - دەس موجاهدەیل ئیسلام لە هیزە چەکدارەیل واز کرد ئەرا جیوەجیکردن هەر کاریگ وەبان بەرژەوەنییەیل و سوپای، دووپاتیش کرد کە ئیران وە هویچ شیوەیگ لەوە واز نیارێد.
شەفەق ئمڕوو دووشەممە، عەلی خامەنەئی ریبەر باڵای ئیران وت: ئیسرائیل هەڵەی گەورەیگ کرد و ئیرنگە پەسا سزا دریەێد.
هەشمار ریبەر ئیرانس لەبان ئێکس پۆستیگ بڵاو کرد کە وت: دوژمن سەهیۆنی هەڵەی گەورەیگ کرد، و بایەسە سزا بیریەێد، و ئیرنگە پەسا سزا دریەێد.