شەفەق نیوز - تاران
سوپای پاسداران ئیران، ئمڕوو دووشەممە، هەڕەشەی وەڵامدان توند وەتۆڵەسەنین نووەو کرد ئەگەر دەس بوەن ئەرا دامەزراوەیل کارەبا لەناو ئیران، و دووپاتکرد هەر پەلاماریگ ئەرا بان ئی کەرتە، وە دەسوەشانن لە ژیرخانەیل کارەبا لە ناوچەگە وەڵام درێد.
سوپای پاسداران لە بەیانیگ وت: "دەسبردن ئەرا وێستگەیل کارەبا لە ناو ئیران، وەڵام ڕاستەوخۆی وەلایەو بوود کە وێستگەیل کارەبای سەر وە قەوارەی داگیرکەر و ئەو دامەزراوەیلە لە وڵاتەیل ناوچەگە کە وزە ئەرا پایەگا ئەمریکییەیل دابین کەن، ئەرا خوەی گرێد؛ بیجگە لە ژێرخانەیل ئابووری و پیشەسازی و کەرت وزە کە ئەمریکییەیل تیرە لەناوی دێرن".
وتیش: "ویلایەتە یەکگرتووەیل توانایل ئیران ناناسێد"، و دیاری کرد کە "ئی توانایلە لە ناو مەیدان دەرکەفن، و تهران پاکوتێد لە بان وەڵامدان هەر هەڕەشەیگ وەو ئاستە".
سوپای پاسداران "سوپای ئەمریکا" وە دەسوەپیکردن جەنگ تاوانبار کرد و ئاماژە دا کە ئەو بویەسە مدوو کوشیان 180 مناڵ لە مەکتەوەیل سەرەتایییەیل.
لە کوتایی بەیانەگە هاتگە: "دوژمن ئەمریکی تا ئیسە پەلامار پەنج دامەزراوەی ئاوی داگە، کە یەکیگیان وێستگەی شیرینکردن ئاوە لە دوورگەی قەشم"، و هۆشداری دا کە وەردەوامبووین ئی پەلامارەیلە توەنێد بوودە مدوو زیایبووین ئاڵۆزییەیل لە ناوچەگە.