شەفەق نیوز/ دەسەڵاتەیل ئیران، ئمڕوو شەممە، راگەیان گیرداین کەشتییگ قاچاخی  سوتەمەنی لە باشوور وڵاتەگە و ١١ کەس هاناوی. 

میدیایل راگەیانن ئیران لە زوان موجتەبا قەهرەمانی سەرۆک نۊنەرایەتی گشتی لە پارێزگای هەرمزکان وت: کەشتییگ بیگانە گیریا ک خوازیە ٢٢٠ هەزار لەتر لە سوتەمەنی قاچاخی بکەێد، و لەلایەن هیزەیل سوپای پاسداران دەسگیر کریا وەگەرد ١١ کەس لەناوی بۊن.   

قەهرەمانی دیاری کرد ک لیوای "زوڵفەقار" دەریاوانی سەروە سوپای پاسداران  ئەو کەشتیە گیر دا ک سوتەمەنی قاچاخی بار کردیە لە ئاو خەلیج،  و لە وەشکین ئی کەشتیە،  دەسنریا بان زیاتر لە ٢٢٠ هەزار لەتر لە سوتەمەنی قاچاخی،  و ١١ کەس لە تیم بیگانە دەسگیر کریان.   

وتیش: دەریاوانی سوپای پاسداران هەمیش بەلەمیگ ئیرانی دەسگیر کرد ٢٠ هەزار لەتر لە مازۆت قاچاخی باری بۊە، تا بەێدەی ئی کەشتی بیگانە و قاچاخی بکەێد، و هەمیش ٣ کەس لەناو ئەو بەلەمە دەسگیر کریا.