شەفەق نیوز- تەهران
سوپای پاسداران ئیران، ئمڕوو پەنجشەممە، تویشهاتن دوو نەفتکیش گەپ وە تەقینەوە و هیزگردن ئاگر گەورە لە وەخت رەدبوینیان، شەو گوزەشتە، لە ریگەیگ کە وە نایاسایی وەسفی کرد لە باشوور تەنگەی هورمز راگەیان.
سوپای پاسداران لە بەیاننامەیگ ئاژانس شەفەق نیوز ئاگاداری بوی وت: هەر دوو نەفتکیشەگە زیاتر لە 4 ملیۆن بەرمیل نەفت هەڵگردوین، و دیاری کرد نەفتکیش یەکەم وە مینیگ دەریایی تەقیەسەو، لە وەختیگ بەلەمیگ کیشانن دەریایی کە نزیک یەکیگ لە نەفتکێشەیل بوی ئەرا دەسمیەتی لە کپەوکردن ئاگرەگە هەمیش تویش سزیان هات.
پاسداران هوشداری دا هەر کەشتییگ سیستەمەیل دەریاوانی تایبەت وە خوەی لە تەنگەی هورمز کورەوبکەێد، و دەسمیەتی وەگەرد سوپای ئەمریکا بکەێد ئەرا رەدبوین لە ریگە نایاساییەگە، وەروڕوی هەمان چارەنویس بوود.
سوپای ئەمریکا ئەرک هاوکاریکردن کەشتییە بازرگانییەیل گردگەسە ئەستۆ کە لە تەنگەگە رەدبوون لەدویای ئەوەگ پەلامارەیل ئیرانی جویڵەی دەریاوانی پەکخسن لە سەرەتای دەسوەپیکردن جەنگ ئەمریکا ئیسرائیلی لەبان ئیران لە کۆتایی شوبات 2026.