شەفەق نیوز - تاران
سوپای پاسدارەیل ئیرانی، رووژ یەکشەممە، راگەیان لە ئامانجگردن راداریگ ئەمریکی لە بنکەیگ ئەرا هەلیکۆپتەرەیل لە بەحرەین وە شەش فڕۆکەی بیفڕۆکەوان، و یەیش دۊای کوتیان زەنگەیل هوشیارکردن لە شانشینەگە، کە میوانداری کەشتیگەل پەنجەم سەر وە هێز دەریایی ئەمریکی کەێد.
وەزارەت ناوخۆی بەحرەینی دوو هوشداری جیاواز لەباوەت هەڕەشەیل چەوەڕیکریاگ دەرکرد، لەڕی دوو بڵاوکریای لەبان پلاتفۆرم "ئێکس"، وە داواکردن لە هاووڵاتییەیل و نیشتەجیەیل ئەرا پابەندبۊن وە ئارامی و چگن وەرەو نزیکترین شوین ئارام، لە یەکەم هوشدارییەیل لەی جۊرە لە ئەیلول/ سێپتێمبەر گوزەشتەو.
ئی هوشدارییەیلە دۊای دوو رووژ لە راگەیانن سوپای پاسدارەیل ئیرانی تیەێد وە پەلامارداین رادار هوشیارکردن زۊینەی ئەمریکی لە بەحرەین، ئەوەگ کە سوپای ئەمریکی رەتی کردەو، وە دووپاتکردن وەرپەرچداین دوو فڕۆکەی بیفڕۆکەوان ئیرانی وەبی رۊداین زیانەیل.
لە چوارچێوەیگ پەیوەندیدار، سوپای پاسدارەیل دووپات کردە بان ئەوە کە تەنگەی هورمز بەسیاگە، وە هوشیارکردن لەوە کە "هەر دەسدریژییگ ئەمریکی وەرانوەر کریەێد وە وەڵامیگ تونتر و سەختتر".
دیاری کرد کە "وڵاتەیل یەکگرتگ سەرنەکەفت لە رەدکردن نەفت لەڕی تەنگەی هورمز، و تەقەلا دەێد سەرنجەیل لاوەێد لەڕی ریکارەیل بۊچگ و هەڕەمەکی".