شه‌فه‌ق نيوز/ كارلس بيغديمونت سه‌رۆك هه‌رێم كه‌تالۆنيا له وته‌يگ ته‌له‌فزيۆنى له به‌رشلۆنه وت: كه‌تالۆنيه‌يل ماف ئه‌وه وه‌ده‌س هاوردنه ك ده‌وڵه‌ت سه‌روه‌خوه‌يى بياشتوون دوياى به‌شداريكردن مليۆنه‌ها كه‌س له‌ليان له راپرسێ ئه‌را سه‌روه‌خوه‌ييان ك حكومه‌ت ناوه‌ندى ئسپانى قه‌يه‌غه‌ێ كرد.
حكومه‌ت كه‌تالۆنى ئاشكراى ئه‌وه كرد ك نزيكه‌ى 2،26 مليۆن كه‌س له‌و راپرسيه ده‌نگ دانه‌و 90 له‌سه‌د له به‌رژه‌وه‌ندى جيابوينه‌وه ده‌نگ دانه.
جى باسه، بيغديمونت هه‌ميش وت: ئه‌ى هاووڵاتيه‌يل كه‌تالۆنيا، ئيمه ماف ئه‌وه وه‌ده‌س هاورديم ده‌وڵه‌ت سه‌روه‌خوه‌يى بياشتويم وه شێوه‌يگ كۆمار و له ماوه‌ى چه‌ن رووژيگ تر ئاكامه‌يل راپرسێ ره‌وانه‌ێ په‌رله‌مان كه‌تالۆنى ئه‌كريه‌ێد تا وه گووره‌ێ ياسا ره‌فتار بكا.