شه‌فه‌ق نيوز/ ره‌جه‌ب ته‌يب ئه‌ردوغان، سه‌رۆك توركى باوه‌ڕى ئه‌وه‌سه ك وڵاته‌يل يه‌كگرتگ ئه‌مريكى ئه‌خوازيد سزاى سومعه‌ت توركيا بيه‌ێد له‌وه‌ر ئه‌وه‌گ سه‌ر ئه‌را سيناريۆيه‌يل ناچه‌منێد له ده‌يشته‌و.
ئه‌ردوغان له باسيگ له‌وه‌رده‌م چالاكوانه‌يل له حزب داد وگه‌شه‌وه‌پيداين له شار ئاگرێ له خوه‌رهه‌ڵات توركيا وت: ئه‌مريكيه‌يل هه‌وڵ سزاداين و له‌كه‌داركردن سومعه‌ت و شه‌رمه‌زاركردنمان ئه‌يه‌ن له‌وه‌ر ئه‌وه‌گ گووش نايه‌يمنه فه‌رمانه‌يليان ك ئاشكراسه‌و وه هاوكار كه‌سه‌يليگ له وڵاته‌گه‌مان جيوه‌جيى ئه‌كه‌ن.
ئه‌ردوغان وت: ئه‌مريكيه‌يل ئه‌و كاره‌يله ئه‌كه‌ن له‌ڕى جه‌ماعه‌ت فه‌تحوڵڵا گۆڵن، وه‌لێ بايه‌سه ئه‌وه‌يش بزانن ك ئه‌وان ناتويه‌نن ئيمه بخه‌ڵه‌تنن و له هه‌مان وه‌خت تومه‌تبار واشنتۆنيش وه پشتگيريكردن پارت كارگه‌ره‌يل كوردستان كرد و يه‌يش ده‌رخست ك به‌شيگ له سيناريۆيه‌يل ئه‌مريكى دژ وڵاته‌گه ئه‌وه‌سه ك دادگايى هاووڵاتيه‌يل تورك ئه‌كا له وڵاته‌يل يه‌كگرتگ.