شه‌فه‌ق نيوز/ سه‌ڵاحه‌دين ده‌ميرتاش سه‌رۆك هاوبه‌ش حزب ملله‌ته‌يل ديموكراتيخواز و لايه‌نگر كورد له توركيا، وه تونى ره‌خنه له سيستم دادوه‌رى گرت و باس له‌وه‌يش كرد ك 13 مانگ وه ئحتيات زيادانى كرياگه‌و دادگايه‌يليش وسيانى له وه‌رده‌ميان ره‌ته‌و ئه‌كه‌ن.
ده‌ميرتاش له توێته‌ر نويساگه: من وه بوونه‌ى تومه‌ته‌يليگ زيندانى كريام ك گوايا له دادگا هه‌يوام، وه‌لێ له ماوه‌ى 13 مانگ گوزه‌يشت دادگا له من هه‌يواێد.
جى باسه، ده‌ميرتاش ك حاڵ حازر زيندانى كرياگه له زيندان ئه‌درنه له ولايه‌ت ئه‌درنه له باكوور خوه‌رئاواى توركيا، چه‌ن جاريگ داواى ئاماده‌بوين دانيشتنه‌يل دادگاييكردن كردگه، وه‌لێ دادگا داواكاريه‌گه‌ى ره‌ته‌و ئه‌كاو هووكار يه‌يش برده‌سه‌و ئه‌را مه‌سه‌له‌ى ئاساسايشى.