شه‌فه‌ق نيوز/ كارلس بودجمون سه‌ركرده‌ى هه‌رێم كه‌تالۆنيا، وت: مه‌ردم كه‌تالۆنيا ئه‌و رێ و شوونه‌يل ناياساييه قه‌بول ناكه‌ن ك حكومه‌ت ئسپانى گرته‌سه‌ێ وه‌ر ئه‌را داناين هه‌رێمه‌گه له‌ژير حوكم راسه‌وخۆ مه‌دريد و هه‌ر وه‌و خاتريشه داوا له په‌رله‌مان هه‌رێم كرد جموجويل له دژى ئه‌نجام بيه‌ێد.
له‌ى باوه‌ته‌و، ئاژانس روێته‌رز ئه‌وه ده‌رخست ك بودجمون وتگه بڕيار ماريانو راخوى سه‌رۆك وه‌زيره‌يل ئسپانى وه جياكردنه‌وه‌ى حكومه‌ت هه‌رێم و چه‌سپانن ڕى وشوونه‌يل هه‌ڵوژاردنه‌يل تازه كار خراويگه له‌بان ده‌زگايه‌يل كه‌تالۆنياو ملله‌ته‌گه‌ێ.
جى باسه، بودجمون هه‌ميش وت: داوا له په‌رله‌مان ئه‌كه‌م دانيشتنيگ گشتى ساز بكا تا بتويه‌نيم بڕياريگ جوور نوێنه‌ر سه‌روه‌رى هاووڵاتيه‌يل بيه‌يم له‌باره‌ێ هه‌وڵ يه‌كلاكردنه‌وه‌ى حكومه‌ته‌گه‌مان و ديموكراسيه‌تماان و ره‌فتار وه گووره‌ێ بكه‌يم.