شه‌فه‌ق نيوز/ سه‌رچه‌وه‌يگ ئاگادار باس له‌وه كرد نزيكه‌ى 1400 كه‌س له باغۆز ده‌رچينه له خوه‌رهه‌ڵات فورات ك نزيكه‌ى 350 كه‌س تيرۆريست له‌تيان بوينه‌و يه‌يش ده‌رخست ك شماره‌ێ فريه‌يگ له مه‌ده‌نيه‌يل و چه‌كداره‌يل و خيزانه‌يل داعشى و سه‌ركرده‌يلى هيمان له دويا بنگه‌يل ئه‌و ريكخرياگ تيرۆريستيه مه‌ندنه‌و چه‌وه‌ڕێ ده‌رچگن ئه‌كه‌ن.
له وه‌رانوه‌ر ئه‌وه‌يش ده‌يان سه‌ركرده‌و ميره‌يل ئه‌و ريكخرياگيشه ناخوازن له دويا بنگه‌يليان ده‌ربچن و جه‌نگكردن تا كووتايى وه خاستر ئه‌زانن، يه‌يش له‌وه‌ختيگ ك سه‌رچه‌وه‌يل ئاماژه وه ده‌رچگن نزيكه‌ى 3600 كه‌س كردن له شار باغۆز له ماوه‌ى دو رووژ گوزه‌يشت.
له‌ى باوه‌تيشه‌و، وه‌ڕيه‌وبه‌رايه‌تى ناوه‌ند ره‌سانن هيزه‌يل سورياى ديموكرات جه‌خت له وجوود به‌ڵگه‌يليگ زيايه كرد ك له‌تى ئه‌وه ده‌ركه‌فيد توركيا ئاسانكارى ئه‌را ده‌رچگن و جموجويل تاكه‌يل داعش ئه‌كا.