شه‌فه‌ق نيوز/ ريكخرياگ قورتاركردن مناڵه‌يل"سايف زى تشيلدرن" ئاشكراى ئه‌وه كرد زياتر له 2500 مناڵ بيگانه له 30 وڵات حاڵ حازر دابه‌ش بوينه له‌بان سێ كه‌مپ ئاواره‌يل له باكوور خوه‌رهه‌ڵات سورياو ك نيمه‌يان له سه‌ره‌تاى ئمساڵه‌و له شوونه‌يل ژير ده‌سڵات داعش واينه.
ريكخرياگه‌گه له به‌ياننامه‌يگ وت: زياتر له 2500 مناڵ بيگانه له 30 وڵات له سێ كه‌مپ له باكوور خوه‌رهه‌ڵات سوريا ژيه‌ن و له‌ناونيان 38 مناڵ نائاساسى هه‌ن و داوا له كۆمه‌ڵگاى ناوده‌وڵه‌تى كريه‌ێد رێ وشوون ئه‌را زه‌مانه‌كردنيان له‌وه‌ر بگريد.
وه‌گووره‌ى به‌ياننامه‌گه ئه‌وه ده‌ركه‌فت 560 خيزان بيگانه ك زياتر له 1100 مناڵ ديرن و بيجگه خيزانه‌يل سوورى ك ئه‌وانيش مناڵدارن هه‌وه‌جه وه چاره‌سه‌ر ديرن ئه‌را گوزران و ده‌سه‌وه‌ركردن ژيانيان.
جى باسه، يه‌يش له وه‌ختيگه هه‌زاران كه‌س تر ژيان له‌ناو كه‌مپه‌يل ئه‌وه‌نه سه‌ر و له‌و جه‌نگه‌يل واينه ك له ڕقه ئه‌نجام دريا له ساڵ 2017و هيزه‌يل سورياى ديموكرات كۆنترۆڵ ئه‌و شاره كردن ك ديارترين بنگه‌يل ريكخرياگ تيرۆريستى داعش له‌تى بوێ له سوريا.