شه‌فه‌ق نيوز/ دوياێ چه‌ن رووژيگ له له‌سێداره‌داين يه‌كيگ له پياوه‌يل سه‌ر وه شووڕش ئيرانى له ناوچه‌ێ ئه‌لته‌نه‌ف له‌بان مه‌رز عراقى - سوورێ، لوا قاسم سلێمانى سه‌ركرده‌ێ فه‌يله‌ق ئه‌لقودس سه‌ر وه پاسه‌وان شووڕش ئيرانى په‌ياميگ نويساو له‌تى جه‌خت له‌وه كرد ك رووڵه‌يل ئيران توڵه‌ێ ئه‌و كرده‌وه‌يل دڕندانه ئه‌كه‌نه‌وه وه له‌ناوبردن شه‌جره‌ێ پيس وه‌هابيه‌ت له جه‌هان ئسلامى.
سلێمانى نويساگه: دوياێ راوناين يه‌ك له‌شوون يه‌ك جه‌ماعه‌ته‌يل ته‌كفيرى - وه‌هابێ وه‌كراگيرياێ له به‌ره‌يل جياجيا، ريكخرياگ ترۆريستى داعش ده‌سكرده ئه‌نجامداين تاوانيگ گه‌وراێ نائننسانى ك هويچ شه‌رع و ئايينيگ قه‌بولى ناكاو ئيچنه تاوانه‌يليگ ك هه‌زاران جار تائيسه له عراق و سوريا كه‌فته‌سه‌و دژ موسڵمانه‌يل چ شيعه يا سونى روێداگه بيجگه يه‌كگرتگى و هوشيارێ جىهان ئسلامى هويچ تر نيه.
جى باسه، سلێمانى هه‌ميش وت: واز له په‌يكردن ئى شه‌جه‌ره‌ێ نه‌فره‌تكرياگه نايه‌ريم له‌بان ئه‌و غه‌در خته‌رناكه و له‌يوا تاوانه‌يليگ هيليده‌مان فيشتر بته‌وتر بويمن ئه‌را پاكسازيكردن گشت جه‌هان ئسلامى له وجوود ئه‌و دڕنده‌يله.