شه‌فه‌ق نيوز/ رياز، ئه‌را يه‌كه‌مجاره، جه‌خت له‌وه كرد ك جه‌مال خاشقچى رووژنامه‌نويس سعودى له‌ناو باليۆزخانه‌گه‌ى له ئه‌سته‌مبوڵ كوشياگه دوياى كه‌فتنه‌وه‌ى مرافه‌يگ و جه‌نگكردن وه‌ده‌س وه‌ل بڕيگ له كه‌سه‌يل تر له‌ناو باڵيۆزخانه‌گه، يه‌يش ك هه‌رچه‌نى زويتر باس له‌وه كردياد ك خاشقچى له‌ناو باليۆزخانه‌گه چيه‌سه ده‌يشت و نه‌مه‌نده‌سه‌ێ.
له‌ى باوه‌ته‌و، ئاژانس هه‌واڵه‌يل سعودى له زووان به‌ياننامه‌يگ نوێنه‌رايه‌تى گشتييه‌و وت: كه‌سه‌يليگ سعودى چه‌ويان كه‌فته‌سه خاشقچى له باليۆزخانه‌گه له 2 ته‌شرين يه‌كه‌م، ئه‌ويش دوياى ده‌ركه‌فتن ئاماژه‌يليگ ك گوايا گله‌و خواردگه ئه‌را وڵاته‌گه‌ى.
جى باسه، ئاژانسه‌گه ئاشكراى يه‌يش كرد ك 18 كه‌س سعودى له‌ى باوه‌ته‌و له زمه‌ت په‌يجووريكردن گير دريانه.