شه‌فه‌ق نيوز/ سه‌ركرده‌يل سعودى و به‌حره‌ين و ئيمارات رينمايه‌يليگ ده‌ركردن له‌باره‌ى چه‌ودێريكردن حاڵه‌ته‌يل ئنسانى خيزانه‌يل هاوبه‌ش وه‌ل قه‌ته‌ر، يه‌يش له‌وه‌ختيگ وزاره‌ت ناوخوه‌يى قه‌ته‌رى جه‌خت له‌وه كرد هاووڵاتيه‌يل ئه‌و ده‌وڵه‌ته‌يله ك په‌يوه‌ندى وه‌ل قه‌ته‌ر بڕينه ئازادى ته‌ماميگ ديرن له مه‌ندن له قه‌ته‌ر.
وزاره‌ت ناوخوه‌يى قه‌ته‌رى له به‌ياننامه‌يگ وت: ده‌وڵه‌ت قه‌ته‌ر هويچ رى وشوونيگ له‌باره‌ى نيشته‌جيه‌يل ناو خاكه‌گه‌ێ نه‌گرده‌سه وه‌ر له‌و مه‌ردمه ك خه‌ڵك ئه‌و وڵاته‌يله‌نه په‌يوه‌نديه‌يل دبلۆماسيانه بڕينه يا كه‌ميه‌و كردنه وه‌ل ده‌وڵه‌ت قه‌ته‌ر.
جى باسه، له‌لايه‌ن خوه‌يانيشه‌و هه‌ريه‌ك له سه‌لمان بن عه‌بدولعه‌زيز عاهل سعودلا و حه‌مه‌د بن عيسا عامل به‌حره‌ينى و ده‌وڵه‌ت ئيماراتيش رينمايى ده‌ركردن له باره‌ى چه‌ودێرى حاڵه‌ته‌يل ئنسانى خيزانه‌يل هاوبه‌ش وه‌ل قه‌ته‌ر.