شه‌فه‌ق نيوز/ عه‌بدوڵڵا موعه‌لمى نوێنه‌ر هه‌ميشه‌يى سعودى له نه‌ته‌وه‌يل يه‌كگرتگ، له وته‌يگ له‌وه‌رده‌م ئه‌نجومه‌ن ئاسايش له‌باره‌ێ خوه‌رهه‌ڵات ناوين وت: بايه‌سه له‌بان ئه‌نجومه‌ن ئاسايش ناوده‌وڵه‌تى هه‌ڵويستيگ يه‌كلاكه‌ر نيشان بيه‌ێد له وه‌رانوه‌ر ئيران و ئه‌وه ده‌ربخه‌ێد ك كۆمه‌ڵگاێ ناوده‌وڵه‌تى وه ده‌سبه‌سياگێ ناوسيه‌ێد له‌وه‌رانوه‌ر كرده‌وه‌يل دوژمنانه‌و تيرۆريستانه‌ێ ئيران ك بويه‌سه هووكار شيويان ئاسايش و ئارامى له ناوچه‌گه.
موعه‌لمى وشدارى دا وه ئه‌وه‌گ ئيران هيمان ده‌خاڵه‌ت له كاروبار ناوخوه‌يى شماره‌يگ له ده‌وڵه‌ته‌يل عه‌ره‌بى ئه‌كاو له‌وانه‌يش عراق و سوريا و لوبنان و يه‌مه‌ن و ده‌وڵه‌ته‌يل تر و هيمان خريك كاره‌يل ترۆريستيه‌و پشتگيرى ترۆر ئه‌كاو ئه‌گرێده‌ێ خوه‌ى.
جى باسه، موعه‌لمى وه شيوه‌يگ تايبه‌تيش باس له ريكخرياگ حزبوڵلاێ لوبنانى كرد و جوور باڵيگ ئيران له ناوچه‌گه تاريفى كرد و داوايش له كۆمه‌ڵگاى ناوده‌وڵه‌تى كرد وه جددێ مامڵه وه‌ليا بكه‌ن ئه‌را وساننه‌وه‌ێ چالاكيه‌يلێ له ناوچه‌گه.