شەفەق نیوز- ریاز

16 کراکار لە بەنگلادیش گیان لەدەسدان لە ئەنجام ئاگریگ گەورا کە  لەناو کارگەیگ ئەرا دروسکردن قەنەفەیل لە پایتەخت سعودی ریاز هیز گرد، وەپای وەرپرسەیل لە داکا پایتەخت بەنگلادیش.

وەرپرسەیل، ئمڕوو دووشەممە، وتن، کە ئاگرەگە دۊکە یەکشەممە لەناو کارگەیگ لە ناوچەی پیشەسازی موسا لە ریاز هیز گرد، کە بۊە مدوو کوشیان کراکارە بەنگلادیشییەیل.

 وەزارەت دەیشت بەنگلادیش وەدۊاچگن ئەرا هۊردەکاریەیل رۊداوەگە کەێد، لە وەختیگ وەرپرسەیل باڵیۆزخانەی بەنگلادیش لە ریاز وەگەرد دەسەڵاتەیل سعودی کار کەن ئەرا تەواوکردن ئەو رێکارەیلە کە پەیوەندی دیرن وە گلەوداین تەرم قوربانیەیل ئەرا وڵاتەیلیان.

 وەزیر چەودیاری رەوەن و دامەزرانن لە دەیشت بەنگلادیشی، ئاریفول حەق چودری، رێنمایی وەرپرسەیل کرد وە کارکردن ئەرا گلەوداین تەرمەیل لە زۊترین وەخت گونجیای، و پیشکەشکردن دەسمیەتییە حکومییەیل و قەرەبووەیل ئەرا خیزان قوربانیەیل.

سعودیە وە گەوراترین رووگە ئەرا دەسکار بەنگلادیشی لە دەیشت هەژمار کریەێد، کە نزیکەی 3.5 ملیۆن هاووڵاتی بەنگلادیشی لەناوی نیشتەجین، لە وەختیگ کراکارە بەنگلادیشییەیل لە شانشینەگە زیاتر لە 2.7 ملیار دۆلار ئەرا وڵاتەیلیان کل کردنە لەماوەی ساڵ گوزەشتە.