شەفەق نیوز - تاران
سوپای پاسدارەیل ئیرانی، رووژ چوارشەممە، راگەیان وە سزیان کەشتییگ نەفتهەڵگر سەرپێچیکار لە خوەرهەڵات تەنگەی هورمز دۊای تویشهاتنی وە مینیگ دەریایی.
پەیوەندییە گشتییەیل لە هێز دەریایی سەر وە سوپای ئیرانی، لە بەیاننامەیگ کە ئاژانس شەفەق نیوز چەوی کەفتەسە پی، دیاری کرد کە ئاگریگ شەفەق ئمڕوو لە کەشتییگ نەفتهەڵگر سەرپێچیکار لەناو ناوچەیگ نائارام و قەیەغەکریاگ لە خوەرهەڵات تەنگەی هورمز هەڵسیاس.
دیاری کرد کە هێز دەریایی وە شیوەیگ تون چەودیاری خوەرهەڵات تەنگەی هورمز کەێد، وە دووپاتکردن تونکردن کۆنترۆڵ لەبان ئی ناوچە دەریاییە ناسکە.
هێز دەریایی وەپەی بەیاننامەگە، تەمەی ئەرا خاوەن کەشتییەیل دووپات کردەو وە هەوەجەبۊن هەماهەنگیکردن وەرد هێزە چەکدارەیل و گریەداربۊن وە یاسایەیل دەریاوانی ئەرا مسۆگەرکردن رەدبۊن ئارام لە تەنگەی هورمز.
جی باسە کە دەسەی ئۆپەراسیۆنەیل بازرگانی دەریایی بەریتانی لە وەختیگ گوزەشتە لە شەوەکی چوارشەممە راگەیانۊد وە وەرگردن ئاگادارکردنیگ لەباوەت رۊداویگ کە رۊەرۊی کەشتییگ نەفتهەڵگر بۊە لە ماوەی بۊینی لە تەنگەی هورمز.