شەفەق نیوز/ قسەکەریگ وەناو کۆشک ڤێرسای، ئمڕوو سێشەممە، خەوەردا کە ئاگر لەناو کۆشکەگە هیز گرد، کە میوانەیل لەناو یەکیگ لە قەرەباڵغترین شوینەیل کەشتیەکی لە فەرەنسا دەرکریان، وەرجەیەگ ئاگرەگە کپەو بکەن.
کۆشکەگە لە سەدەی هەفتەم ئەرا پاتشا لویس چوارەم دروس کریا، کە بارەگای شاهی سەرەکی بوی تا شووڕش فەرەنسا و رمیان رژیم شاهی لە ساڵ 1789.
وتیش: پیاوەیل ئاگرکپەوکردن رەسین، و دویکەڵو بڵویزەی ئاگر نەمەن، و زەرەد وە چشتەیل ناوی نەڕەسی.
هەمیش وت: ئاگرەگە لە شوینیگ لەبان خانگ هیز گرد کە کار خاسەوکردن لەناوی کریەێد.
ساڵانە زیاتر لە ٧ ملیۆن کەس سەردان کۆشکەگە کەن، و و لەی تاوسانە میوانداری بازی ئۆڵەمپیک ئەسپ سواری کەێد.
لە ساڵ ٢٠١٩، ئاگر لە قەواسەی کاتدرائیەی نۆتردام لە پاریس هیز گرد، و ئاگر رەسیە تاوەر کەنیسەگە، و نزیک بوی تاوەرەیل زەنگوڵ سەرەکی بڕمنێد، و مەردم وە زیڕەیگ نووڕستنە ئاگر ئەو بینا کە میژووی چوودەو ئەرا سەدەیل ناوڕاس.