شەفەق نيوز – خوەرهەڵات ناوڕاس 

ئیسرائیل، ئمڕوو جمعە، ئاشکرا کرد کە توانستیە 11 زانای ئەتۆمی لە جەنگ وەرد ئیران بکوشێد، وەگەرد رەسانن زەرەدەیل گەورەیگ وە بەرنامەی ئەتۆمیی.

سوپای ئیسرائیل باس ئەنجامەیل جەنگ 12 رووژەی تەل ئەبیب وەبان ئیران کرد، دووپات کرد کە ئۆپراسیۆن سەربازی ئیسرائیل وەبان ئیران 4 ئامانج سەرەکی کردە ئامانج، کە  شوینەیل بەرنامەی ئەتۆمی، و توانای بەرهەمکردن مووشەک و مووشەک زەوی - ئاسمان بوین.

بەیانامەگە وتیش: ئۆپراسیۆنەیل رەسینە کوشتن گەورە سەرکردەیل ئەمنی و سەربازی رژیم، و دروسکردن زاڵبوین ئاسمانی لە ئیران، بیجگە کوشتن 11 زانای ئەتۆمی ئیران.

سوپای ئیسرائیل دیاری کرد کە دامەزراوەیل ئەتۆمی سێ دامەزراوەیل ئەتۆمی رژیم ئیران کەفتنە وەر پەلامار و زەرەدەیل گەورەیگ وەپییان رەسیە.

هەرلیوا، پەیمانگەی "لازار" وت: نزیکەی نیمەی ئیسرائیلیەیل مەزەنە کەن وڵاتیان لە جەنگ 12 رووژە زەرەد وە ئیران نەڕەسان.