شەفەق نیوز/ دەزگای پەخشکردن ئیسرائیل، ئمڕوو سێشەممە، وت: سوپای  ئیسرائیل یەکیگ لە ناوچەیل باشوور لوبنان داگیر کردگە، لە وەختیگ حزبولڵا پویچەڵکردن تەقەلای دزەکردن وەرەو ناوچەیگ ترەک راگەیان.

دەزگای پەخشکردن ئیسرائیل پارچە ڤیدیۆیلیگ بڵاو کرد نشان سەربازەیل ئیسرائیل دەن  پەرچەم ئیسرائیل لە ناوچەی مارون راس باشوور لوبنان بەرزەو کەن.

لەلای خوەییش، وەزیر وزەی ئیسرائیل وت: سەربازەیل سوپای ئیسرائیل ناوچەی مارون راس داگیر کردنە، و ماڵەیلیگ ویران کردنە کە مووشەکەیل ئیسرائیل لەناویان وەشیەن.

وەرجەیەر سوپای ئیسرائیل وت: توەنستیە اونێلەیل ژیر زەوی بچەکنێد و شوینەیل حزبولڵا ویران بکەێد، وتیش؛ سەدان ئەندام لە حزبولڵا لە باشوور لوبنان کوشتیمن.

سوپای ئیسرائیل لە بەیاننامەیگ وت: فیرقەی 98، کە لیوای پارەشوت و لیوای کۆماندۆ وەلیوای هەفتەم و سەربازەیلیگ لە یەکەی یاهالۆم هاناویان، ئۆپراسیۆنەیلیگ دیاریکریای لەبان شوینەیل حزبولڵا وەدرویژایی سنوور لە باشوور لوبنان جیوەجی کردن.

بەیاننامەگە وتیش: تا ئیسە سەربازەیل توەنستن سەدان تیرۆرست بکوشن، و ری تونێلەیل ژیر زەوی ویران کردنە، و دەیان شوینەیل ژیرخانی تیرۆری، کە حزبولڵا سەدان چەک وە درویژایی سننوورەگە شاردیەسەو.

لەلای خوەییش، حزبولڵا لە بەیاننامەیگ وت: وەگەرد وەنواهاتن هیز دوژمن زایۆنیستی وەرەو ناوچەی لیژنەی سنووری وە شۆفەڵ و ئامێر، موجاهیدەیل وەرخودان ئیسلامی  تووپواران و مووشەکوارانیان کردن، و ناچاریان کردن وەرەو دویا بچنەو.