شەفەق نيوز/ میدیایەیل ئیرانی، ئمڕوو شەممە، خەوەردان کە زنجیرە پەلامارەیل ئیسرائیل شوینەیلیگ سەربازی و ئەتۆمی ناسک لە چەن پارێزگایگ ئیرانی کردنە ئامانج.

ئاژانس خەوەری "مهر" وت: تەقینەوەیگ لە سەربازگەی ئیمام حەسەن لە پارێزگای کرماشان هەڵسیا، لە وەختیگ سوپای پاسداران ئیران دووپات لە کوشیان سێ ئەندامی کرد لە پەلاماریگ لە پارێزگای زنجان.

لەلای خوەییش، ئاژانس "تەسنيم" لە زوان پارێزگار لوڕستان وت: چوار درۆن ئیسرائیل لە ئاسمان شار خوڕەم ئاباد خریانە خوارەو، وتیش: تەقینەوەی نوویگ لە پارێزگای خووزستان رویدا.

هەرلیوا، میدیایەیل ئیرانی ئاشکرای کوشیان سێ زانای ئەتۆمی لەو پەلامارەیلە کردن، کە هەرلە عەلی بەکایی کەریمی، و مەنسوور عەسکەری، و سەعید برجی بوینە.

لە وەختیگ سوپای ئیسرائیل دووپات کرد کە شمارەی ئەو زانایەیل ئەتۆمیە کە لە گورزەیل ساعەتەیل گوزەشتە کوشیانە رەسیە نۆ کەس.

وەرژە کەمیگ، میدیایەیل ئیرانی، خەوەردان لە تەقینەوەیل سەختیگ لە چەن شاریگ ئیران، لەناویان تەبریز و خوڕەم ئاباد و کرماشان.