کاتز لە دیدارەگە وت: لەباوەت ئەو گورزە باشوور لوبنان، ئیمە وەرپرسیارێتیمان کردیمنە خاوەن و یەیش بەشیگە لە جەنگمان.
وەزیر دەرەوەی ئیسرائیل وتیش: ئیمە ئەندامەیل حزبولڵا و ئەو ژیرخان و سیستێمەیلە کەیمنە ئامانج کە تونستن بخەنەی بوار جیوەجیکردن ئەرا نواگردن ئیسرائیل.
وتیش: ئیمە وەیجویرە وە حزبولڵا کەیمن باج جەنگەگە بەێد، کە لەناوی وەگورڵی ڕێسای دیاریکریای کار کەیمن، ئامانج خوەمان دیریمن ئەرا پویچەڵکردن ١٥٠ هەزار مووشەک، ئامانجمان ئەوە بوی کە ئاسایش ئەرا دانیشتگەیل باکوور و باشوور و ئەرا دەوڵەت ئیسرائیل باێدەو”.
کاتز، کە مانگ گوزەشتە دەسەوکارەوبوی ئاشکرا کرد کە: لەباوت ئەو زیانانەیلەگ وە باشوور لوبنان رەسیە، ئێمە وەرپرسیارێتی کوشتن فەرماندەی هیز رەوزان هەڵگریمن، یەیش بەشیگە لە جەنگەگە، ئیمە زیان وە حزبولڵا و ژیرخانی ئابووریی رەسنیمن.”
دویەکە دووشەممە، سەرچەوەیل ئیسرائیلی ئاشکرا کردن کە ویسام تەویل، سەرکردەیگ “لیوای رەوزان” حزبوڵڵا، وە گورزیگ ئیسرائیل کوشیا.