شەفەق نيوز/ سوپای ئیسرائیل، ئمڕوو شەممە، نواگیریکردن مووشەکیگ راگەیان کە لە یەمەنەو وەرەو ئیسرائیل وەشیاس، وتیش: سیستەم وەرگری ئاسمانی توەنست ویرانی بکەێد.

 سوپای ئیسرائیل لە بەیاننامەیگ دیاری کرد کە فیکەی هوشداری لە چەن ناوچەیگ ناو ئیسرائیل کوتان، دویای وەشیان مووشەکەگە.

لە وەخت دەسکردن وە جەنگ ناوەین ئیسرائیل و بزوتنەوەی حەماس لە کەرت غەززە، حووسیەیل یەمەن پەلامارەیل مووشەکییاه وەرەو ئیسرائیل خەسەو کردن، وەگەرد ئەوەیش کەشتیەیلیگ لە دەریای سوور کردنە ئامانج، کە وتنە پەیوەندی وە ئیسرائیلەو دیرن.

ناوچەی حووسیەیل لە یەمەن وەشیوەی نیمچە رووژنامە کەفتە وەر گورزەیل ئیسرائیل، کە وەرپرسیارێتیی خەنە بان ئەمریکا، ئەوەیش لە وەختیگەو واشینتۆن لە 15 ئازار دەسکردن وە ئۆپراسیۆنیگ سەربازی راگەیان، وە ئامانج وسانن پەلامارەیل وەبان کەشتیەیل لە دەریای سوور و کەنداو عەدەن.