شەفەق نیوز/ سوپای ئیسرائیل، ئمڕوو یەکشەممە، نواگیریکردن مووشەکیگ راگەیان کە لە یەمەنەو وەشیاس، دویای وەخت کەمیگ لە کوتیان فیکەی هوشداری لە ناوچەیلیگ جیاجیا لە وڵاتەگە.
سوپای ئیسرائیل لە بەیاننامەیگ وت: دویای کوتیان فیکەی هوشداری لە تلمی ئەلیعازر، نواگیری مووشەکیگ کریا لە یەمەنەو وەشیاس وڵڕمە رەسینە وەرەو ناوچەی ئیسرائیل.
رووژ جمعە، سوپای ئیسرائیل راگەیان کە ئاشکرای مووشەکیگ کردیە لە یەمەنەو وەشیاس و هاتە ناو ئاسمان ئیسرائیل.
حووسیەیل لە هاوخەمی وەرد فەلەستینیەیل لە کەرت غەززە من دەسکردنە پەلامارەیل وەبان ئیسرائیل.
هەرچەن زەرەدیان سنووردارە لەوەر سیستم نواگیریکردن مووشەکی پیشکەفتگ لە ئیسرائیل، وەلێ پەلامارەیل نیمچە رووژانەی حووسیەیل وەشیوەی گەورەیگ ژیان مەدەنییەیل لە ئیسرائیل وسانیە.