شەفەق نیوز - قودس
وەزیر وەرگری ئیسرائیلی، یسرائیل کاتس، رووژ جمعە، کۆنترۆڵکردن "بەرزاییەیل عەلی تاهیر" لە باشوور لوبنان راگەیان، گامەگە وەسف کرد کە تەواوکردن قۆناغ چەسپانن کۆنترۆڵکردن مەیدانی و دەسکەفتیگ گرنگە ئەرا وەدیهاوردن ئامانجە سەربازییەیلە.
کاتس لە لێدوانەیلیگ دووپات کرد کە هیزەیل ئیسرائیل لە ناوچەی ئەمنی لە باشوور لوبنان نیەکشینەو تا جیوەجیکردن ئەو مەرجە کە خوەی دۊنێد لە بیچەککردن "حزبولڵا" وە تەواوی، دووپات کرد لەبان ئەوەگ کۆنترۆڵکردن بەرزاییەیل بنەمایگ سەرەکی ئەرا چەسپانن بۊین سەربازی لە ناوچەگە دروس کەێد.