شەفەق نیوز/ دەزگای پەخش ئیسرائیل، شەوەکی ئمڕوو شەممە، تەواوبوین پەلامار سێ شەپوولیگ وەبان ئیران راگەیان، لە وەختیگ تەهران راگەیان کە وەرگری ئاسمانیی نواگیریی کرد.

سوپای ئیسرائیل وت: گورزەیل هویردیگ وەبان ئامانجەیل سەربازی لە چەن ناوچەیگ لە ئیران جیوەجی کردیمن، کارخانەیل مووشەک ئیرانی کردیمنە ئامانج ئەرا پەلاماردان ئیسرائیل وەکاریان هاوریا.

وتیش: مووشەکەیل زەوی - ئاسمان و توانایل سەربازی ئیرانی فڕۆکەیە بیفرۆکەوان کردیمنە ئامانج، و ئی پەلامارە لە وەڵامدان وەبان پەلامارەیل ئیران وەبان ئیسرائیل هات.

لەلای خوەییش، رووژنامەی نیویۆرک تایمز وت: ئۆپراسیۆن ئیسرائیل وەبان ئیران تەواو بوی، دویای پەلاماردان نزیکەی ٢٠ ئامانج.

لە یەکەم قسەی فەرمی وەلایەن ئیران لەبان پەلامارەیل ئیسرائیل، وەرگری ئاسمانی ئیران دووپات کرد کە نواگیری تەقەلای ئیسرائیل ئەرا پەلاماردان چەن ناوچەیگ لە وڵاتەگە کرد.

لە وەختیگ فڕۆکەوانی مەدەنی وسیان گشت کاروانەیل ئاسمانی لە وڵاتەگە راگەیان تا بانگەوازیگ ترەک.