شەفەق نيوز/ بنیامین نتنیاهو سەرۆک وەزیرەیل ئیسرائیل، شەوەکی ئمڕوو، راگەیان کە ئیسرائیل پەلامار شوینیگ نزیک کۆشک سەروکایەتی لە دیمەشق دا، و پەیمان مقیەتیکردن کەمینەی دورزی لە سوریا نووەو کرد.
یە دویەم جارە وەماوەی دوو رووژ ئیسرائیل گورز وەبان سوریا بوەشنێد، دویای ئەوە کە پەیمان مقیەتیکردن دورزیەیل دا.
نتنياهو لە بەیاننامەیگ هاوبەش وەرد يسرائيل كاتس وەزیر وەرگری وت: دویەشەو پەنجشەممە، ئیسرائیل گورزیگ ئاسمانی نزیک کۆشک سەرۆکایەتی لە دیمەشق جیوەجی کرد.
وتیش: یە پەیامیگ ئاشکراس ئەرا رژیم سوریاڕ کە ری وە هیزەیل سوریا نیەیمن تا لە باشوور دیمەشق بڵاو بوون، یا هەر هەڕەشیگ وەبان دورزیەیل بیاشتوون.
سوپای ئیسرائیل لە بەیاننامەیگ راگەیان کە فرۆکەیل جەنگی پەلامار ناوچەی شان کۆشک ئەحمەد حسێن شەرع لە دیمەشق دانە، وەبی دیاریکردن ئامانجەگە.
هویچ لێدوانیگ کوتپڕی لەلایەن دەسەڵاتەیل سوریا لەبان ئی پەلامارە دەرنەچگ.