شەفەق نیوز/ درۆنەیل ئیسرائیل، ئمڕوو شەممە، پەلامار ماشینیگ دان لە ناوچەی دیرەلزوهرانی لە باشوور لوبنان، لە ئەنجام پەلامارەگە کەسیگ کە ناو ماشین بوی زەخمدارە.
ئیسرائیل وەردەوامە لەبان پەلامارداین لوبنان لە دژ ئامانج و ئەو ناوچەیلە سەر وە "حزبولڵان"، وەگەر رێککەفتن ئاگربەس لەناوەین هەردووگ لا.
وەرجە دوو رووژ قسەکەر سوپای ئیسرائیل ئەفیخای ئەدرعی لە ری تووڕ کۆمەڵایەتیەیەو راگەیان، "چەکە ئاسمانیەیل ئیسرائیل پەلامار ئاسمانی ئەنجامدانە و شمارەیگ ناوچەیل سەر بازی و ژیر خان ئابووری گردۆەسە ئامانج کە سەر وە حزبولڵان لەناوجە جیاوازەیل لوبنان.
وتیش، لە ناوەین وە ئامانج گردنەیل "ژیرخان ئابووری کە پێکهاتبوی لە کەرەستەیل چەک" کردیەسە ئامانج لە ناوچەی سەیدا" دیاریکرد حزبولڵا لەی کۆتاییە تەقەلای دوارە خاسەوکردنی دایە کە لە گوزەشتە پەلاماردریابوی.