شەفەق نیوز - وەدۊاچگن

سوپای ئیسرائیلی، رووژ دوشەممە، راگەیان وە ئامانجگردن باریگ چەک و کەرەستەیل سەربازی لە ناوچەی جنتای سنووری لە ناوەین لوبنان و سووریا، گوایە لە ری بۊە وەرەو حزبولڵا ئەرا هازدارکردن توانایەیل سەربازیی، و وەکارهاوردنی لە جیوەجیکردن پەلامارەیل لە دژ ئیسرائیل.

 قسەکەر وەناو سوپای ئیسرائیلی، ئیلا واویە، لە بڵاوکریاییگ لەبان پلاتفۆرم "ئێکس" وت، کە هێز ئاسمانی شەو دووشەممە باریگ لە ئامرازەیل جەنگی لە ناوچەی جنتا ئامانج گردگە، کە تەرخانکریاگ بۊە ئەرا حزبوڵلا.

دیاری کرد کە بارەگە ئامانج داشتیە، ئەرا "هازدارکردن توانایەیل ئۆپەراسیۆنی حزبەگە و وەکارهاوردنی لە جیوەجیکردن پەلامارەیل لە دژ هاووڵاتییەیل ئیسرائیلی و ئەندامەیل لە سوپای ئیسرائیلی"، وەپەی وتەی خوەی.

 واویە، حزبولڵا وە وەکارهاوردن ناوچەی جنتا ئەرا چەن جاریگ ئەرا گواستنەوەی چەک و کەرەستەیل سەربازی لەڕی سنوورەیل لوبنانی سوورییەو تاوانبار کرد، وە دەسنشانکردن ئەرا ئەوە کە بردن بارەگە لەڕی خود ناوچە جیوەجی کریاگە.

هەمیش حزبەگە وە وەردەوامبۊن لە وەکارهاوردن ناوچەیل جیاواز لوبنانی ئەرا چالاکییەیل سەربازی و پرۆسەیل بارکردن چەک تاوانبار کرد، وە هەژمارکردن ئەوەگ ئی جۊلەیلە هەڕەشەیگ ئەرا ئیسرائیل دروس کەن و نەگونجیاگن وەرد لەیەکفامستنەیل.

 دوو سەرچەوەی ئەمنی لوبنان لە تشرین یەکەم/ ئۆکتۆبەر گوزەشتە، ئەرا ئاژانس "رۆیتەرز"، ئاشکرا کردن کە حزبولڵا سوود لە ماوەی ئارامی لە کارەیل جەنگی لە حوزەیران/ یۆنیۆ گوزەشتەو وەرگردگە ئەرا دووارە چەکداربۊن، وەرد هویرخستن لەبان سەنین تەقەمەنییەیل و بەرهەمهاردن فڕۆکەیل بیفڕۆکەوان کە شایەد وەرەو شوینەیل ئیسرائیلی کلبکریەن ئەگەر پرۆسە جەنگییەیل دەس وەپی بکەنەو.