شەفەق نیوز/ ئیسحاق هیرتسوگ، سەرۆک ئیسرائیل، ئمڕوو یەکشەممە، وت: وڵاتەگەی هوبچ کاریگ وە تەقیان ئامێرەیل پەیجەر و وایەرلێز نەیرێد، کە لە رووژەیل سێشەممە و چوارشەممەی گوزەشتە لە لوبنان رویدا، وتیش: حزبولڵا دوژمن فرەیگ دیرێد.

هیرتسۆگ لە چەوپیکەفتنیگ وەرد تووڕ "سكای نيوز" بەریتانی وت: وەتەواوی رەت ئەوە کەێد کە پەیوەندی وەو دوو تەقیانە داشتوون، وتیش: حزبولڵا دوژمنەیل فرەیگ دیرێد، ئی رووژەیلە شمارەیان فرەس، حزبولڵا لوبنان ناسان و ویرانی کرد، و فرە جار ژاوەژاو لە لوبنان دروس کرد.

وتیش: ئی وە ئاسایی هایمنە ئیرا تا وەرگری لە خوەمان بکەیمن، یە گشت کارمانە، بایەسە جویر هەر دەوڵەتیگ ئاسایی کار بکەیمن، و هەکاتی بەریتانیا، یا هەر دەوڵەتیگ خاوەن سەروەری، ئەرا وەرگریکردن لە گەل خوەمان.

حزبولڵا توومەتبار ئیسرائیل کرد کە دەسی هاناو تەقیان ئامێرەیل پەیوەندی، کە ٣٧ کەس لەناوی کوشیا و نزیکەی سێ هەزار کەسیش زەخمدار کرد، و پرسەی بڕیگ لە چەکدارەیلی کرد.