شەفەق نيوز/ دەزگای پەخشکردن عیبری، ئمڕوو چوارشەممە، لە زوان سەرچەوەیگ ئەمنی ئیسرائیلی وت: درۆنەیل سوپای ئیسرائیل دوو پەلامار نوو جیوەجی کردن وەبان چەکدارەیلیگ لە سەحنایا، کە تواستنە پەلامار درووزیەیل بیەن.
وەگورەی ئاژانس رۆیتەرزر ئەو دوو پەلامارە بوینە مدوو کوشیان یەک ئەندام ئەمنی سوری.
ئی دوو پەلامارە دویای گورزیگ هوشدارکردن وەلایەن سوپای ئیسرائیل هات، کە وەرجەیە ئمڕوو جیوەجیی کرد، وەبان کەسەیلیگ کە وەپییان وت (تونەڕەوەیل) تواستنە پەلامار درووزیەیل بیەن لە سەحنایا، وەگورەی بەیاننامەیگ هاوبەش لەلای ت بنیامین نتنیاهو سەرۆک وەزیرەیل و يسرائيل كاتس وەزیر وەرگری.
لەلای خوەییش، وەزارەت ناوخۆی سوریا وت: درۆنیگ ئیسرائیلی پەلامار شوین هیزەیل ئەمنی لە دەورگرد سەحنایا داگە، مە بویە هوکار کوشیان یەک ئەندام ئەمنی سوری و زەخمداری کەسەیلیگ ترەک.
دیاری کرد کە پەلامارەگەی ئیسرائیل دویەمە لە شەوەکی ئمڕووەو وەبان بنکەیل ئەمنی لە دەورگرد ئەو ناوچە کە فرەی درووزە.