شەفەق نيوز/ سەرچەوەیلیگ ئەمنی، شەفەق جمعە، خەوەردان لە گورزەیلیگ ئاسمانی وەبان تەهران پایتەخت ئیران، وە فرۆکەیل جەنگی ئیسرائیل، لە چوارچیوەی وەردەوەردەی بیوینەیگ ناوەین ئەو دوو لایەنە، لە وەختیگ هیمان خەوەریگ فەرمی لە سروشت ئامانج و زەرەدەیل ئاشکرا نەکریاس.

  وەگەرد ئەو پەلامارە، يسرائيل كاتس، وەزیر وەرگری ئیسرائیل، ئامدەباشی راگەیان، وەتایبەت لە بەرەی ناوخوەیی، لە گشت شوینەیل دەوڵەت ئیسرائیل، لە مقیەتبوین لە پەلاماریگ ئیرانی.

کاتس وت: لە پشت گورز ئیسرائیل وەبان ئیران، مەزەنەی پەلاماریگ مووشەکی و فرۆکەی بێفڕۆکەوان لەلایەن ئیرانەو وەبان دەوڵەت ئیسرائیل و دانیشتگەیل مەدەنی لەی بانان نزیکە کریەێد.

 هەرلیوا، تا ئیسە تەهران بەیاننامەیگ فەرمی لەبان ئی گورزە یا وەڵامدانیگ دەرنەکردگە، لە وەختیگ کەشوهەوای هەرێمی ئامامەباشی وەخوەی دوینێد، وەگەرد هوشداریکردن وەردەوامە لە فراوانبوین شوینەیل جەنگەگە.