شەفەق نیوز/ دەسەی فرۆکەخانەیل ئیسرائیل، ئمڕوو یەکشەممە، راگەیان لەدویای پەلامارەیل ئەمریکا وەبان دامەزراوەیل ئەتۆمی ئیران، ئاسمان وڵاتەگەی وە روی گشت گەشتەیل هاتن و چگن بەسا.
دەسەگە راگەیان، بڕیارەگە لە ئەنجام "پیشهاتەیل ئی دویاییە بوی"، وەبی ئەوە ماوەی بەسانەگە دیاریبکرێد، وەپای ئاژانس ئەسۆشێتد پرێس.
ئەمریکا، شەوەکی شەفەق ئمڕوو یەکشەممە، سێ پەلاماردان ئاسمانی لەناوخوەی ئیران ئەنجامدا وە شیوەیگ کاریگەر چگەس وەناو جەنگ ئیسرائیل ئەرا هەڵوشانن بەرنامە ئەتۆمیەیل ئیران، وەبان هووشداریەیل ئەوزەڵکردن ناوچەگە.
لای خوەیەو ئیران پشت راسیکرد کە هویچ نیشانەیگ پیسبوین تیشکدەر لە دامەزراوە ئەتۆمییەیل لە ئیسفەهان، فۆردۆ و نەتەنز دویای پەلامارەیل ئەمریکا دەستنیشان نەکریایە.