شەفەق نیوز/ سەرچەوەیل ئەمنی ئیسرائیل، ئمڕوو یەکشەممە، خەوەردان کە تەلئەبیب ئامادەکاری ئەرا هەڵمەتیگ سەربازی وەبان گرووپ حووسییەیل لە یەمەن کەێد، وتنیش؛ ئی هەڵمەتە هاتی بکەفێدە وەر سەختی تونێلەیل.

سایت والای ئیسرائیلی لە زوان سەرچەوەیل وت: هویچ هەڵمەتیگ بەشداریکردن هاوپەیمان ناودەوڵەتی  وەگەردی نەوود وەختیگ فرە کیشێد.

لە دیدارەیل بەسیای وەرپرسەیل ئەمنی، ئاشکرا کریا کە هەر ئۆپراسیۆنیگ لە یەمەن وەختیگ درەیژتر لە چەوڕیکریاگ وەپی چوود، و خوازین ئەرا گردەوکردن زانیاری هەواڵگری هەس ئەرا دەسکردن وە گورزەیلیگ لە شوینیگ فرە دویر لە ئیسرائیل، وەپیچەوانەی بەرەیل ترەک.

وەگەرد ئەوە وەرپرسەیل سیاسی لە ئیسرائیل باس وڵاوەکردن هاوپەیمان ناودەوڵەتی کەن، کە بەرژەوەنی لە ویرانکردن توانایل حووسیەیل و فراوانکردن لیست ئامانجەیل دیرێد لەو هەڵمەت سەربازیە تا ژیرخانەیل و سەرکردەیل حووسییەیل بگرێدەو.

لەی ماوەی دویاییە، گورزەیل ئیسرائیل شوینەیل گرنگ حووسییەیل کردنە ئامانج، دیارترینیان فرۆکەخانەی سەنعا و بەندەر حەدیدە وەگەرد شوینەیلیگ لەناو ئەشکەفتەیل کە لەناو سیستەم وەشیان مووشەک و جەبەخانە شارنەو. 

دویەکە شەممە، حووسیەیل یەمەن پەلاماردان سەربازگەیگ ئیسرائیلی وە مووشەک (فەلەستین 2) راگەیان.