شەفەق نيوز/ شار ئیستەنبوڵ تورکیا، ئمڕوو چوارشەممە، کەفتە وەر زەویلەرزەی نوویگ، وەتونی 4.9 پلە لەبان پەیمانەی ریختەر، دویای چەن ساعەتیگ لە زەویلەرزەیگ کە تەکانی رەسیە 6.02.

ئمڕوو ئاژانس خەوەری رۆیتەرز خەوەردا کە زەویلەرزەی قایمیگ داد لە شار ئیستەنبوڵ تورکیا، تەکانی رەسیە 6.02 پلە لەبان پەیمانەی ریختەر.

میدیایل راگەیانن وتن: زەویلەرزەی قایمیگ بینایەیل ئیستەنبوڵ هاوردە لەرزە، و مەردم وەگەرد لەرزەگە بینایەیل چووڵ کردن.

 ناوەند زانستەیل جیۆلۆجی ئەڵمانی وت: زەویلەرزەیگ وەتونی 6.02 پلە لەبان پەیمانەی ریختەر داد لە تورکیا.

وتیش: سەنتەرە زەویلەرزەگە وەقویلی دە کیلۆمەتر بویە.

خەڵک ئیستەنبوڵ و ویلایەتەیل شانی لە تورکیا لە لەرزەگە ئاگادار بوین.