شەفەق نیوز- واشنتۆن/ تاران

فەرماندەیی ناوەندی ئەمریکی "سێنتکۆم"، رووژ چوارشەممە، خەوەردا کە ئەو کەشتییە هەڵگرەیل نەفت ئیرانییە کە ماوەی هەفتەی گوزەشتە کردیەسەیانە ئامانج، بەشیگ لە توڕیگ نهێنین کە بەهاگەی وە ملیارەها دۆلار مەزەنە کریەێد، و وەکارتیەن ئەرا پۊلدارکردن سوپای پاسداران ئیرانی و باڵەیلی.

 "سێنتکۆم" وت، کە هیزەیل ئەمریکی ماوەی هەفتەی گوزەشتە 10 کەشتی هەڵگر نەفت ئیرانی ویران کردنە، و دووپات کرد کە ئی کەشتییە هەڵگرەیلە گریەدار بۊنە وەو توڕ نهێنیە، و ئەوەگ پۊلدارکردن ئەرا سوپای پاسداران دابین کەێد.

لە چوارچیوەیگ پەیوەندیدار، فەرماندەیی ناوەندی ئەمریکی رۊوەڕۊبۊن هیچ یەکیگ لە کەشتییەیل هیز دەریایی ئەمریکی ئەرا کردنە ئامانج لەلایەن سوپای پاسداران ئیرانییەو رەت کرد، و دووپات کرد کە گشت تەقەلایەیل کردنە ئامانج کەشتییە ئەمریکییەیل سەرنەکەفتن.

 هەمیش وت کە "بانگەشەیل" سوپای پاسداران لەباوەت کردنە ئامانج دوو کەشتی ویرانکەر ئەمریکی لە خوەرەڵات ناوڕاس "وە تەواوی بی بنەمان".

 ناوچەگە کەفێدە وەر ئاڵووزییەیل سەربازی هاوبەشیگ لەناوەین ویلایەتە یەکگرتگەیل و ئیران، کە کردنە ئامانج کەشتییە هەڵگرەیل نەفت ئیرانی لەلایەن هیزەیل ئەمریکییەو لەخوەی گرێد، لە وەختیگ سوپای پاسداران ئیرانی خەوەردا لە جیوەجیکردن گورزەیل مووشەکی لەبان بنکەی ئاسمانی ئەزرەق لە ئوردن، و وت کە پەلامارەگە چۊ وەڵامیگ هات ئەرا گورزەیل ئەمریکی.