شەفەق نيوز/ وەزارەت ناوخۆی کۆمار داغستان، باشوور رووسیاڕ کوشیان سێ ئەندام لە پولیس هاتوچو وە پەلاماریگ چەکدار لە محەج قەلعەی پایتەخت راگەیان.

 وەزارەتەگە لە بەیاننامەیگ وت: نزیکەی ساعە 14:20 دەوریەی پولیس هاتوچو لە شار مەحج قەلعە کەفتە وەر پەلاماریگ وەلایەن کەسەیلیگ نەناسیای، کە بویە هوکار کوشیان سێ ئەندام پولیس.

بەیانامەگە وتیش: تاوانکارەیل ماشین پولیس دزینە و وەپی واینە، و ئیرنگە پەسا تەقەلای وەشوینکەفتن و دەسگیرکردنیان وەڕیەو چوود.

سێرگی ميليكوف سەرۆک داغستان وت: وەگورەی بەیاننامەیل سەرەتایی هەناێ ئەندامەیلیگ لە وەزارەت ناوخۆ تەقەلای وسانن ماشینەگە دانە، رانندەگە نەوسیاگە و تەقە لەلییان کرد.

دویای ئەوە، دەسەڵاتەیل دادوەری دووپات لەبان کرد دوو لە پەلاماردەرەیل کرد، کە وەگورەی مەزەنە وەکەرم 4 کەس ترەک دەسیان لەناو پەلامارەگە بویە.

سایت "RT" ڕوسی لە سەرچەوەیگ لە ئیدارەی مەحج قەلعە باس زەخمداری دویەت مناڵیگ کرد بەئەنجام رویداوەگە و ئەرا خەسەخانە بریاس.

دویای ئەوەیش، خەسەخانەی کۆماری لە مەحج قەلعە دووپات کرد کە شمارەیگ لە زەخمدارەیل لە ئەنجام پەلامارەگەی ئمڕوو وەرگردیە.