شەفەق نیوز- وەدویاچگن

سەرچەوەیگ ئەمریکی بەشدار لە گفتوگویەیل وەگەرد ئیران، ئمڕوو دوشەممە، وت  سەرۆک ئەمریکی دۆنالد ترەمپ خوازێد برەسێدە "چارەسەریگ هەمیشەیی" وەگەرد تەهران، وەپای مەرجەیل تەواو.

سەرچەوەگە، لە لێدوانیگ کە میدیایەیل سعودی بڵاوی کردن، وت لایەن ئەمریکی چەودێری بەرزەوبوین تویڕەیی لەناو ئیران کەێد وە مدوو بارودۆخ ئابوورییەگە، و دیاری کرد کە ترەمپ گرەو وەبان گوشارەیل ناوخوەی لە ئیران کەێد ئەرا چەسپانن مەرجەیلی وە تەواوی لەماوەی گفتوگویەیل.

ئیران لە هەفتەی گوزەشتە پێشنیازیگ ئەرا ئاشتی لەماوەی کۆمەڵەی گشتی نەتەوەیل یەکگرتوو لە نیویۆرک پێشکەش کرد، و وتیش؛ لە ری ناوەندگری قەتەری ئەرا لایەن ئەمریکی کلکریاس، باوجی ترەمپ شەممە رەتکردن خوەی ئەرا پێشنیازەگە راگەیان.

باوجی سەرۆک ئەمریکی، لە پەیوەنیگ تەلەفۆنی وەگەرد ماڵپەڕ "ئەکسیۆس" لە رووژ یەکشەممە، مەزەنە کرد کە گفتوگوکارەیل ئەمریکی گفتوگووی زیاتر لەماوەی ئی هەفتە ئەنجام بادەن.