شەفەق نیوز- واشنتۆن

فەرماندەی فەرماندەیی ناوەندی ئەمریکی "سێنتکۆم" ئەدمیراڵ براد کوپەر، ئمڕوو شەممە، وردەکارییەیل ئۆپەراسیۆنەیلیان لە گەروو هورمز ئاشکرا کرد، وە دووپاتکردن لەبان پیشکەشکردن دەسمیەتی ئەرا دەرکردن فرەتر لە ملیاریگ بەرمیل نەفت لە کەنداو ماوەی دوو مانگ گوزەشتە.

 کوپەر لە قسەیلیگ رووژنامەوانی، کە ئاژانس شەفەق نیوز وەدۊای چگە، دیاری کرد: "ئاسایشکردن رەدبۊن فرەتر لە دوو هەزار کەشتی بازرگانی لە گەروو هورمز لەڕی پارێزگارییگ هەماهەنگکریاگ ئاسان کردیمن".

 کوپەر دیاری کرد کە "قەوارەی ئەو نەفت و غازە کە ماوەی دوو هەفتەی گوزەشتە لەڕی هورمزەو گواستریایە فرەترینە لە 6 مانگەو"، و دیاری کرد کە "ئیران هیچ بەرمیلیگ نەفت هەناردە نەکردیە وە سای گەمارۆ تونەگەمان".

کوپەر وتیش کە "رێڕەوەیل سەرەکی رەدبۊن لە هورمز لە مین پاڵفتەن و هەزاران کەشتی لە گەرووەگە رەد بۊنە"، لە قسەیلی وتیش: "وەرد هاوبەشەیلەمان لە ناوچەگە کار کەیمن ئەرا تەنەوکردن توانایەیلیان لە بوار وەرگری ئاسمانی".

 وەرپرسیگ باڵا لە کۆشک چەرمگ، وەرجەتر لە ئمڕوو شەممە، دووپات کردۊد، کە نەفت لەڕی گەروو هورمزەو رەد بوود وە ریژەیگ کە لە ناوەین 10 تا 11 مەلیۆن بەرمیل لە رووژیگ بوود، و دیاری کرد کە دەسەڵات ئیرانی لەبان رێڕەو ئاوییەگە هەفتە وەدۊای هەفتەیگ کەمەو بوود.

 وەرپرسەگە، لە قسەیلیگ کە ئاژانس "فرانس پرێس" هاوردیەسەی، وتیش کە رێڕەوەیل جیگر کە هیزەیل دەریایی ئەمریکی دیاریی کەن ئەرا وەردەوامبۊن جۊلەی دەریاوانی "بەرهەم خوەی دەێد".

جی باسە کە رووژنامەی واشنتۆن پۆست، دووپات کردۊد کە مەزەنەیل فەرماندەیی ناوەندی ئەمریکی نیشان دەن کە جەنگ وەرد ئیران خەرج نزیکەی 43.6 ملیار دۆلار کردیە تا سەرەتایەیل مانگ ئەیلول/ سێپتەمبەر ئیسە.

 وەپەی رووژنامەگە، بڕە پۊلەگە نزیکەی 28 ملیار دۆلار لەخوەی گرێد ئەرا قەرەبووکردن ئەو تەقەمەنییەیلە کە وەکار هاتیانە ماوەی ئەو ململانێیە کە لە 28 شوبات/ فێبرواری دەس وەپی کرد، لە شان فرەتر لە 4.3 ملیار دۆلار چۊ بڕە پۊل کەرەستەیلیگ کە گوم بۊنە یا زەرەد وەپیان رەسیە.

و وەپەی بەڵگەنامەگە، هیزەیل ئاسمانی وە فرەتر لە 6.6 ملیار دۆلار کەفتنە وەرجەی خەرجکردن کارپیکردن، و وەدۊای ئەوەیش هیزەیل دەریایی وە نزیکەی 2.2 ملیار دۆلار، و دۊاتر هیزەیل هشکانی وە نزیکەی 1.6 ملیار دۆلار هاتن.